繼續同史友們介紹一啲歷史上嘅奇聞，咁喺唔少帝王嘅陵寢當中，有返一兩位皇后、嬪妃陪葬都算係一件幾合理嘅事，之不過喺清朝皇康熙長眠嘅「景陵」當中，埋葬嘅人數足足多達48人，咁到底係咩一回事呢？阿史今次就同大家講一講啦！
景陵作為清朝皇室墓園清東陵嘅中心，當中係埋葬住康熙、4位皇后分別係孝誠仁皇后、孝昭仁皇后、孝懿仁皇后、孝恭仁皇后以及敬敏皇貴妃。由於佢哋都被認為係康熙一生中嘅最愛，所以就可以埋葬喺康熙嘅附近。
咁其餘埋葬嘅人生前又係咩身份呢？除咗當中有敬敏皇貴妃之外，其餘嘅人數其實全部都係妃嬪！據統計，當中就有溫僖貴妃以及慧妃、惠妃、宜妃、榮妃等12人，同時仲有8位嬪、10位貴人以及9位常在，直頭就係康熙嘅「後宮」！
原圖嚟自網絡